Голландияның Farm Frites компаниясы Алматы облысының Іле ауданында картоп өңдейтін зауыт салуды көздейді. Бұл туралы облыстық әкімдіктің баспасөз қызметі хабарлады.
"Жоба әзірлену үстінде. Зауыт жылына 140 мың тонна өнім береді. Жоспарланған инвестиция көлемі 40,6 млрд теңге. Кәсіпорында 150 жұмыс орны ашылады", – деп атап өтті әкімдік.
Farm Frites компаниясы 1971 жылы Нидерландта құрылған. Компанияның негізгі қызметі мұздатылған және салқындатылған картоп өнімін шығару. Компанияның 40 сауда кеңсесі және 6 зауыты бар. Жылына әлемнің 80-нен астам еліне 1,3 млн тоннадай өңделген картоп экспорттап келеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
