Boxingnews24.com журналисі Анхель Флауэрс "Бүгінгі ең мықты боксшылар" материалында ерекшелігімен көзге түскен былғары қолғап шеберлері жайында жазды. Автор шабуылдау стилі бойынша үздік боксшы деп қазақстандық Головкинді таныды деп хабарлайды 24Хабар.
"Бұл жағынан бірінші тұрған Геннадий Головкин. Ол бір соққысымен Сауль Альварес сияқты боксшыны нокаутқа жібермесе де, Головкинді рингте табу оңай. Ол басқаларға ұарағанда джеб әдісімен көзге түседі. Жиі пайдаланатын басты қаруын, қуатты соққыларын жіберуге асығады. Тіпті Головкиннің сыншылары да оның айқастары тартысты өтетінін біледі. Салмақ айырмасы болғанымен Келл Брукпен айқас та өте тартысты өтті. Тек Дэниэль Джейкобспен болған айқасын ғана тартысты өтті деп атауға келмейді. Себебі бұл негізінен Джейкобсқа байланысты. Себебі GGG оның көз алдында жүрді", – делінген мақалада.
