Орта салмақта WBA (Super), IBO, WBC және IBF нұсқалары бойынша әлем чемпионы Геннадий Головкин (37-0, 33 КО) Билли Джо Сондерспен және Сауль Альвареспен жекпе-жегінен кейін салмағын 168 фунтқа ауыстырғысы келеді. Бұл салмақта Андре Уордпен жұдырықтасуы мүмкін, деп хабарлады boxingnews24.com.
"Осыған дейін Головкин салмағын 168 фунтқа дейін көтеруі мүмкін екендігі жайлы бірнеше рет айттық. Мұнда біз кіші Хулио Сезар Чавеспен, Карл Фрочпен жекпе-жек ұйымдастырғымыз келген. Енді Жилберто Силва GGG-мен күш сынасқысы келетінін айтып отыр. Сондай-ақ біз Андре Уордты да ойлап отырмыз. Егер Уорд реванш айқаста Сергей Ковалевті жеңсе, онымен үлкен кездесу ұйымдастыруға болады", – деді Головкиннің промоутері Том Леффлер.
"Геннадий мен Андре арасындағы жекпе-жек жөнінде ақпарат тараған кезде біз Дэвид Лемьемен келісіп қойған едік. Одан кейін Котто-Альварес арасындағы кездесудің жеңімпазын күттік. Біз 168 фунтта Уордпен қолғап түйістіргіміз келетінін айттық", – деді промоутер.
"Джейкобсты жеңгеннен кейін біраз қиындықтар шешілгендей болды. Билли Джо Сондерс, Сауль Альварес, Хильберто Рамирес, Андре Уорд сынды боксшылармен үлкен бокс кештерін ұйымдастырғымыз келеді. Уорд пен Ковалев кездесуі қалай аяқталатынын көрейік. Ал Рамирес сәуір айында кезекті айқасын өткізеді. Оның промоутері Геннадиймен жұдырықтасуы үшін барын салып жүр. Меніңше Техаста Рамиреспен бокс кешін ұйымдастырған тиімді болады", – деді ол.
