Гондурастың Жоғарғы соты АҚШ-қа экстрадициялау туралы істі қарағаннан кейін, экс-президент Хуан Орландо Эрнандесті наурыздың ортасына дейін қамауда ұстау туралы шешім қабылдады, деп хабарлайды inbusiness.kz жергілікті БАҚ-қа сілтеме жасап. Келесі сот отырысы 16 наурызда өтеді.
Гондурас соты Эрнандесті тұтқындау туралы ордер бергеннен кейін, ол Тегусигальпеде ұсталды. Бұған дейін республика билігі АҚШ-тан саясаткерді экстрадициялау туралы өтінішті алған болатын. Ресми Вашингтонның айтуынша, экс-президент АҚШ-қа кокаин тасымалдау ісіне қатысы бар.
Эрнандес өзіне тағылған айыпты мойындамады. Ол сот процесіне өз еркімен қатысып, кінәсіз екенін дәлелдеуге дайын екенін мәлімдеді.
2021 жылдың наурыз айының соңында АҚШ соты экс-президенттің ағасы Хуан Антонио Эрнандесті есірткі саудасымен айналысқаны үшін оны өмір бойына бас бостандығынан айыру туралы үкім шығарған болатын.
Табиғат Нұрболат
Фото: cnn.com
