Америкалық Google компаниясы Google Chrome браузерінің пайдаланушылары туралы деректерді жасырын жинау туралы кемінде 5 миллиард доллар талап ету бойынша алдын ала келісімге келді. Бұл туралы inbusiness.kz сайты Reuters агенттігіне сілтеме жасап хабарлайды.
Ресми мәліметке сай, істі реттеу шарттары жарияланған жоқ. Алайда, заңгерлер Google талаптардың міндетті тізіміне келіскенін айтты.
Ол 2024 жылдың 24 ақпанына дейін соттың мақұлдауына жіберіледі.
Талапкерлердің шағымына сәйкес, Google қосымшаларын пайдаланушылар Google Chrome браузерін жеке "инкогнито" режиміне өзгерген кезде де олардың белсенділігін бақылауға септігін тигізді.
Айта кету керек, Google-ға қарсы іс 2020 жылы АҚШ-тың Калифорния штатында қаралды.
Сонымен қатар, сот компанияға сервистерін пайдаланған миллиондаған адамның телефонмен сөйлесуін тыңдау туралы федералдық заңдар мен Калифорнияның құпиялылық туралы заңдарын бұзғаны үшін зардап шеккендердің әрқайсысына кемінде 5000 АҚШ доллары көлемінде шығын өтеуін талап етті.
