/img/tv1.svg
RU KZ
Google салық төлеуден жалтару ісі бойынша 1 млрд төлейді

Google салық төлеуден жалтару ісі бойынша 1 млрд төлейді

Компания Франция билігінің салықтық талабын орындауға келісті.

13 Қыркүйек 2019 11:19 453

Google салық төлеуден жалтару ісі бойынша 1 млрд төлейді

Бұл елде Google-ге қатысты тергеулердің басталғанына 4 жылдай болған, деп хабарлайды Bloomberg агенттігі. 
500 млн еуроны компания айыппұл, 465 млн еуроны салық ретінде төлейді. 

Google France пен Google Ireland-қа айыппұлды төлету туралы шешім бітімгершілік келісім негізінде жүзеге асқан. Айта кететін жайт, Францияның қаржы прокуратурасы Google-ге қатысты тергеу жұмыстарын 2015 жылы бастаған болатын. 

Франция билігі компанияның Дублиндегі штаб-пәтері Франциядан түскен кіріске салынған салықтың басым бөлігін Ирландияға төледі деп айыптаған. 

Егер Google алдағы 10 күнде Франция билігімен жасасқан бұл келісімге қарсылығын білдірмесе, ол күшіне енеді. Құжат бойынша, компания талаптардың негізділігін мойындағанымен, өзінің кінәлі екенін мойындаудан бас тартты. 

Бұған дейін Франция Facebook және Amazon сияқты алып корпорациялардың айналымына 3%-дық салық енгізген болатын. 

Табиғат Нұрболат

«ҚТЖ – Жүк тасымалы» АҚ-ға 1 млн теңге көлемінде айыппұл салынды

Төрт жүзден астам жұмысшыға ашық ауада жұмыс істегені үшін жалақыларына қосымша ақы төленбеген.

16 Қазан 2019 17:25 484

Қызылорда көлік прокуратурасымен «ҚТЖ – Жүк тасымалы» АҚ-ның Қызылорда бөлімшесінде жұмысшылардың еңбек құқықтарының бұзылғандығы анықтады.

Ведомствоның баспасөз қызметінің хабарлауынша, еңбек заңнамасының және ұжымдық келісім-шарттың талаптарына қарамастан мыңнан астам жұмысшы арнайы киімдермен толықтай қамтамасыз етілмеген, сондай-ақ төрт жүзден астам жұмысшыға ашық ауада жұмыс істегені үшін жалақыларына қосымша ақы төленбеген (+35С градустан жоғары).     

«Прокуратурамен қабылданған шаралар нәтижесінде жұмысшылардың құқықтары толығымен қалпына келтіріліп, арнайы киімдер беріліп, төлем ақылар толық мөлшерде аударылды»,– делінген хабарламада.

Сондай-ақ, «ҚТЖ – Жүк тасымалы» АҚ-на қатысты әкімшілік құқықбұзушылық туралы кодекстің 97-бабы 3-тармағы бойынша әкімшілік құқық бұзушылық туралы хаттама толтырылып, 1 млн теңге айыппұл салынған (400 АЕК)».        

«Ailand Astana»-ға 391 мың теңге көлемінде айыппұл салынды

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды.

25 Қыркүйек 2019 10:33 450

ҚР ДСМ тауарлар мен көрсетілетін қызметтердің сапасы мен қауіпсіздігін бақылау комитетінің баспасөз қызметі астаналық тұрғынның шағымынан кейін, елордадағы Ailand демалыс орталығындағы бассейн суы тексерілгенін хабарлады.

Баспасөз қызметінің ақпаратына сүйенсек, Нұр-Сұлтан қаласы тауарлар мен көрсетілетін қызметтердің сапасы мен қауіпсіздігін бақылау департаментінің  Есіл ауданы тауарлар мен көрсетілетін қызметтердің сапасы мен қауіпсіздігін бақылау басқармасы 5-11 қыркүйек арасында Ailand отбасылық демалыс орталығындағы бассейн суына тексеру жүргізген. Сараптама нәтижесінде судың санитарлық талаптарға сай еместігі анықталыпты.

Санитарлық-эпидемиологиялық талаптарды бұзған «Ailand Astana» ЖШС-ға әкімшілік жаза қолданылды, 391 375 теңге көлемінде айыппұл салынды.