Дзюдодан Ташкентте өтіп жатқан Grand Slam турнирінде қазақстандық Абиба Әбужақынова жартылай финалға шықты, деп хабарлайды inbusiness.kz cайты.
48 келіге дейінгі салмақта сынға түскен ол турнир барысында Түркменстан, Израиль және АҚШ спортшыларын жеңді.
Жартылай финалда Абиба швециялық Тара Бабулфатпен кездеседі. Айта кетелік, жақында Бакуде өткен турнирде Абиба дәл осы Бабулфатқа есе жіберген болатын.
Бұл салмақта бақ сынаған тағы бір спортшымыз Ғалия Тынбаева үшінші айналымды ресейлік Сабина Гилиязовадан ұтылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
