Алдағы үш оқу жылына кадрларды даярлауға мемлекеттік тапсырыс бекітілді. Бұл туралы Ғылым және жоғары білім министрі Саясат Нұрбек Үкімет отырысында айтты, деп хабарлайды inbusiness.kz сайты.
"2024-2025 оқу жылына бакалавр бойынша – 78 219 грант, магистратураға –13 113, докторантураға 2919 грант бөлініп отыр. 181 мыңнан астам талапкер екі мүмкіндікті ескере отырып, ҰБТ-ны 326 мың рет тапсырды. Бұл өткен жылмен салыстырғанда 20 мыңға жуық өскен. Үміткерлердің 81,43%-ы шекті балды еңсерді, 18,57%-ы еңсермеді", - деді Саясат Нұрбек.
Білім беру грантын беру жөніндегі конкурсқа қатысу үшін өтініштерді қабылдау 2024 жылғы 13-24 шілде аралығында жүзеге асырылды.
"Былтырғы жылмен салыстырғанда биылғы гранттық конкурсқа 11 000 талапкер артық қатысты", - деді министр.
