Грузия өзінің мемлекеттік қарызын төлеуді жалғастыруда. 2018 жылға бекітілген кесте бойынша, төлем сомасы 6,6 млн АҚШ долларын құрайды. Бұл туралы Интерфакс-Қазақстан хабарлайды.
"Келісілген кестеге сәйкес Грузия үкіметі Қазақстан үкіметіне биыл төрт траншпен $6 650 644,43 өтеу керек", - дейді ведомстводан.
Кестеге сәйкес бірінші транш 2018 жылдың 10-наурызында жіберіледі. Келесі транштарды жіберу 30 маусым мен 30 желтоқсан аралығына жоспарланған.
Грузия қарызын беруді 2017 жылы бастаған. Өткен жылы еліміздің қазынасына аталған ел үкіметі $6,5 млн аударды.
Негізгі қарыз сомасы - $25,48 млн, пайыз бен берешекті қоса алғанда грузин үкіметі Қазақстанға $37,9 млн қайтару қажет.
Мемқарызды қайтару мерзімі 2017-2025 жылдарға белгіленген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
