Бірлескен баспасөз мәслихатында Грузияның бірнеше саяси партияларының өкілдері тиісті мәлімдеме жасады, деп жазады inbusiness.kz сайты.
Саясаткерлердің айтуынша, олар 26 қазанда елде өткен парламенттік сайлауда "фальсификацияны дәлелдейтін көп дәйектер" жинай алды. Олар жаңа сайлау өткізуге және "кең таралған сайлау қылмыстарын халықаралық тергеуге" шақырды.
Оппозицияшылар 4 қараша, дүйсенбі күні Тбилиси орталығында өтетін шеруде егжей-тегжейлі іс-қимыл жоспарын жариялауға уәде берді.
"Біз дүйсенбі күні сағат 19.00-де Руставелиде кездесіп, іс-қимыл жоспары туралы хабарлаймыз", – деді "Күшті Грузия" коалициясынан Ана Долидзе.
БАҚ оппозициялық Грузия коалициясының өкілі Эллен Чоштарияның сөздерін келтіреді: "Елімізде мемлекеттік төңкеріс болды, біздің ортақ міндетіміз – көшеге шығып, елдің болашағына бақылауды қалпына келтіру".
