Грузияның аудандық соты дауыс беру құпиясын бұзғаны үшін 30 сайлау учаскесінде өткен парламент сайлауының қорытындысын жоққа шығарды, деп хабарлайды inbusiness.kz сайты "Азаттық" радиосының грузин қызметіне сілтеме жасап.
Сот Грузияның оңтүстігіндегі Тетрицкаро және Цалка облыстарындағы кездейсоқ үш сайлау учаскесінде дауыс беру процесін қайта жүргізіп, тексеріп көрді.
Эксперимент нәтижесінде бюллетеньдің артқы жағында маркердің ізі қалатыны анықталды. Демек, бюллетень KOIB-ге (дауыс санау машинасы) енгізілгенде, сол маңда тұрған адамдар сайлаушының кімге дауыс бергенін түсіне алды.
Грузияның Орталық сайлау комиссиясының аудандық соттың шешіміне шағымдануға құқығы бар, бірақ сарапшылар прецедент қазірдің өзінде қалыптасқанын айтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
