Грузияның Тбилиси қаласында қазақстандық азамат қайтыс болды. Оның денесі 5 мамырда бір үйдің терезесінің астынан табылған. Бұл туралы Қазақстан Елшілігіне Грузияның құқық қорғау органдары хабарлапты, деп жазады inbusiness.kz СІМ баспасөз қызметіне сілтеме жасап.
"Алдын ала мәлімет бойынша, аталған қыз 9 қабаттан құлап мерт болған. Грузияның полициясы өзін-өзі өлтіру халіне жеткізу деген күдікпен қылмыстық іс қозғады. Полиция күдіктіні қамауға алды. Басқа ақпарат тергеу мүдделері үшін жария етілмейді. Грузиядағы Қазақстан Елшілігінің консулы марқұмның отбасымен үнемі байланыста. Бұл іс Елшіліктің ерекше бақылауына алынды. Қазақтанның Сыртқы істер министрлігі ҚР азаматының денесін отанға жеткізуді ұйымдастыруда жан-жақты көмек көрсетуде",– деп жазылған СІМ хабарламасында
