Патрульдік полиция қызметкерлері Тбилисиде парламент ғимаратының алдында наразылық акциясына қатысқан 36 адамды ұстады, деп хабарлайды inbusiness.kz елдің Ішкі істер министрлігіне сілтеме жасап.
Бұған дейін "Халық күші" оппозициялық қозғалысының депутаттары Грузия Парламентіне "Шетелдік ықпалдың ашықтығы туралы" заң жобасын енгізген болатын, оған сәйкес елде үкіметтік емес ұйымдардың, БАҚ-тың және шет мемлекеттен қаржы алатын субъектілердің тізілімін құру ұсынылып отыр.
Билеуші партияның өкілдері, Парламенттік көпшілік "Грузин арманы" журналистерге жаңа заң жобасын қолдауға ниетті екендерін айтып, президент Саломе Зурабишвили оған вето қойған жағдайда оны айналып өтуге талпынатындарын жеткізді.
Парламент жанындағы оппозициялық акция Парламентте заң жобасын комитет отырысында қарау басталғаннан кейін басталды. Оппозиционерлер заң жобасы Заңның "орыс нұсқасы" деп санайды және елді Еуропалық Одақтан алшақтататынына сенімді.
"Әкімшілік құқық бұзушылық Кодексі бойынша 173 және 166-баптар негізінде 36 адам ұсталды", - деп хабарлады ІІМ журналистерге.
Қылмыстық Кодекстің 166-бабында - ұсақ бұзақылық, ал 173-бапта құқық қорғау органдарының қызметкеріне бағынбау әрі қорлау қарастырылған.
