Бұл туралы жергілікті TV Pirveli арнасы хабарлады, деп жазады inbusiness.kz.
Бірнеше минуттан кейін өрт су атқыштың көмегімен сөндірілді. Руставели даңғылындағы жағдай әлі де шиеленісті, наразылық білдірушілер арнайы күштердің алдында тосқауыл қоя бастады, делінген хабарламада.
8 наурыздың басында қауіпсіздік қызметкерлері наразылық білдірушілерді Тбилисидегі Парламент алдындағы алаңнан толығымен таратты. Полиция акцияға қатысушыларға қарсы резеңке оқтарды, су атқыштар мен көзден жас ағызатын газды қолданды.
Наразылық білдірушілер тобы негізінен студенттерден тұрады. Арнайы күштермен қақтығыстан кейін адамдардың бір бөлігі парламент ғимаратынан шегінді, бірақ кейбіреулері әлі де болса қақтығыс алаңына қайта оралды.
Грузия Президенті Саломе Зурабишвили билікті Тбилисидегі наразылық білдірушілерге күш қолданудан бас тартуға шақырды.
Грузия астанасында наразылықтар ел Парламенті бірінші оқылымда "шетелдік ықпалдың ашықтығы туралы"заң жобасын көпшілік дауыспен қабылдағаннан кейін 7 наурызда басталды. Құжат шетелдік қаржыландыруды алатын үкіметтік емес ұйымдар мен БАҚ тізілімін құруды көздейді.
