Көшкін құрбандарының саны 31-ге дейін өсті (бұрын 26 адам туралы хабарланған), деп хабарлайды inbusiness.kz Rustavi сайтына сілтеме жасап.
Грузия ІІМ Төтенше жағдайларды басқару қызметінің басшысы Темур Мгебришвили: "апаттың ошағынан 40 шақырым қашықтықта, Сори ауылының маңында ер адамның денесі табылды", — деді.
Ол оған қоса жасөспірімнің денесін тапқанын айтты.
Ведомство басшысы іздеу жұмыстары "қаза тапқандардың денесін табуға деген үміт таусылғанша" жалғасатынын атап өтті. Қазір екі адам хабар-ошарсыз кетті деп саналады.
Бұған дейін көшкін 3 тамызда түстен кейін түсіп, Рача таулы аймағындағы грузин Шови курортын басып кеткені туралы хабарланған болатын. Грузия билігі 7 тамызды қайтыс болғандарға аза тұту күні деп жариялады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
