ЕО-ның Грузиядағы елшісі Павел Герчинский ЕО елдерінің басшылары Грузияның ЕО-ға кіру процесін тоқтату туралы келісімге келгенін хабарлады, деп жазады inbusiness.kz сайты.
"Өкінішті, бірақ ЕО елдерінің басшылары Грузияның ЕО-ға кіру процесін тоқтатуға келісті. Грузияның қазіргі Үкіметінің ниеті Еуропалық одақ көшбасшылары үшін түсініксіз", - деді Тбилисидегі журналистерге елші.
Оның айтуынша, Грузияда күшіне енген шетелдік ықпалдың ашықтығы туралы заң Еурокомиссияның ЕО-ға кіруі үшін Грузия билігіне ұсынған "тоғыз қадамға қарама-қайшы әрекет".
"Сондай-ақ Батысқа қарсы, Еуропаға қарсы риторика Еуропалық одаққа кірудің мәлімделген мақсатына мүлдем сәйкес келмейді. Өкінішке орай, қазіргі уақытта Грузияның Еуропалық одаққа кіруі тоқтатылды. Бұл шынымен өкінішті жайт", - деді елші.
Герчинский "қазан айындағы сайлаудан кейін жаңадан құрылған Үкімет, бұл үкімет кім құрса да, қайтадан Еуропалық Одаққа кіру үшін маңызды жұмысты бастайды" деген үмітін білдірді.
