60 келі салмақта сынға түскен Ғұсман өз тобында Оңтүстік Корея, Әзірбайжан және Бразилия балуандарын жеңіп, жартылай финалда ресейлік Яго Абуладзені жеңді, деп хабарлайды Olympic.kz.
Екі спортшы жекпе-жектің негізгі уақытын тең аяқтағанымен, қосымша уақытта "ваззари" ұпайын еншілеген Қырғызбаев финалға өтті.
Ақтық айқаста Ғұсман Қырғызбаев франциялық Валид Хярмен белдеседі.
Осы салмақта белдескен Елдос Сметов ширек финалда француз балуанына есе жіберді. Жұбаныш белдесуінде ресейлік Роберт Мшивидобадзені ұтқан Елдос қола медаль үшін таласта тағы бір ресейлік спортшы Аго Аблуладзеге қарсы шығады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
