Android операциялық жүйесінде жұмыс істейтін барлық смартфондар мен басқа құрылғылар хакерлер құрығына түсуі мүмкін, деп жазады inbusiness.kz Men Today порталына сілтеме жасап.
"Касперский зертханасының" мамандарының айтуынша, зиянды бағдарлама басқа байланыс қосымшасы – Telegram арқылы таратылады. Онда CanesSpy деп аталатын бұрын белгісіз троян табылған.
Компания зиянкес бағдарламаның араб және әзербайжан тілдеріндегі Telegram арналарында таралатынын атап өтті.
Тыңшылық бағдарламасы бар режим пайдаланушылардың контактілер тізімін, оның құрылғысындағы есептік жазбалар туралы ақпаратты және құжаттарды ұрлауға арналған деген болжам бар. Сонымен қатар, CanesSpy команда бойынша микрофонды жаза бастайды, осылайша ол смартфон иесінің қоңырауларын тыңдай алады.
2023 жылдың қазан айында компания мамандары 100-ден астам елдегі пайдаланушыларға 340 000-нан астам хакерлік шабуылдардың алдын алды. Бір қызығы, алаяқтар көбіне Әзербайжан, Сауд Арабиясы, Йемен, Түркия мен Мысыр қолданушыларына арнап бағдарлама жасақтайды. Дегенмен, вирусты жұқтыру жағдайлары Ресейде де жиі тіркеледі.
