Халық банкінің құнды қағаздары Қазақстанның (KASE) және Лондонның (LSE) қор биржаларында қымбаттап келеді, деп хабарлайды LS.
16 қаңтардағы сауданың қорытындысы бойынша эмитенттің LSE-дегі құнды қағаздарының бағасы 6,24%-ға өсіп, 6,64 долларды құрады.
Ал KASE-дегі құнды қағаздарының бағасы 5,9%-ға артты. Котировкалары 53,58 теңгеден асты.
KASE-нің үздіктер тізіміне кіретін тағы бес акция да сауда күнінде өсім көрсетті.
KEGOC-тың бағалы қағаздары (+2,4%) 1305 теңгеге дейін қымбаттады. "БАСТа" (+0,8%), "ҚазМұнайГаз Барлау және Өңдеу (КМГ БӨ) (+0,6%) котировкалары да аздап өсті.
Инвесторлар Kcell-дің акцияларына қызығушылық таныта бастаған(+0,6%).
Сонымен қатар KAZ Minerals құнды қағаздарының бағасы да өсіп келеді. Оның құны 1709 теңгеден асты (+1,2%).
Тек "ҚазТрансОйлдың" акциялары аздап төмендеді (-0,5%).
Жалпы алғанда KASE индексі 16 қаңтардың қорытындысы бойынша 1,35%-ға өсіп, 1438,73 пункті құрады.
Сонымен бірге кейбір отандық құнды қағаздар LSE-дегі сауда күнін ала-құла қорытындылады. Атап айтқанда, ҚМГ БӨ (+0,73%) мен KAZ Minerals (+0,16%) сауданы өсіммен жапса, Kcell котировкалары керісінше, төмендеп кетті.
