Сенатор Нариман Төреғалиев үкімет басшысының орынбасары Роман Склярге жолдаған депутаттық сауалында осылай дабыл қақты, деп хабарлайды inbusiness.kz.
Қыруар қаржы бөлінген жоба аясында Жаңақорған ауданындағы 28 елдімекеніннің 43 мыңға жуық тұрғыны таза ауыз сумен қамтылуға тиіс еді. Алайда жоспар жүзеге аспады.
Нариман Төреғалиевтің айтуынша, қазір Талап су өндіру кешенінде қазылған 8 ұңғымадан құм аралас су шығып, халық соны ішіп отыр.
"Екі топтық су құбыры сумен жабдықтаудың ерекше маңызды топтық және оқшау жүйелерінің тізбесіне енгізілмеген. Салдарынан халық ауыз суға толық тарифпен төлеуге мәжбүр. Ауыз су халыққа уақытпен шектеліп беріледі. Жоба іске толық қосылмағандықтан тұрғындар ауыз суды аулада орналасқан шахталық құдықтардан немесе кіші ұңғымалардан ішуге мәжбүр болып отыр", – деді депутат.
Қанат Махамбет
