Halyk, Орталық Азия қатысушыларының арасында, екі марапатқа ие болған Қазақстаннан шыққан жалғыз компания атанды, деп хабарлайды inbusiness.kz сайты.
Стандарттарды белгілейтін марапат
"HR-бренд Орталық Азия" марапаты 13 жыл бойы аймақтың HR қауымдастығы үшін басты назарда болды. Биыл номинацияларға 46 компаниядан 69 жоба ұсынылды. Мықты командалар, ойластырылған шешімдер және жоғары деңгей. Мұнда жеңіске жету – әріптестердің, нарықтың және сарапшылар алқасының мойындауы. Бір марапаттың өзі маңызды жетістік, ал екі марапат – жүйелі жұмыстың нәтижесі әрі банк маңызды және амбицияға толы шешімдерді қабылдауға батылдығы жететінін көрсетеді.
"Әлем" номинациясы бойынша алтын марапаты
Аймақаралық ауқымы мен амбициясы бар жобаларды бағалайтын "Әлем" номинациясында Halyk "Жасанды интеллектті пайдалана отырып, skill-based мәдениет пен құзыретті дамыту" дейтін эксклюзивті жобасы үшін бірінші орынға ие болды.
Жобаның негізгі мәні – қызметкерлермен жұмыс істеу логикасын өзгерту. Банк қызметкерлер мен кандидаттардың құзыреттілігін объективті түрде өлшейтін және жеке даму жолдарын ұсынатын өзінің жасанды интеллект/мәшіне оқыту (AI/ML) жүйесін жасады. Енді cұхбаттар "сезімге" емес, команда мен жаңа келгендер үшін бірдей жұмыс істейтін бірыңғай, ашық әдіснамаға негізделеді.
Маңыздысы, бұл тек бағалау құралы ғана емес; skill-based мәдениетінің негізі. Демек, мансаптық даму және жұмысқа қабылдау туралы шешімдер интуицияға емес, деректерге сүйенеді. Қазір банктің IT, сандық және деректер мамандарының 90%-дан астамы жаңа жүйені пайдаланып бағаланды. Келесі қадам – оқытудың жеке траекториясы. Қазылар алқасы дәл осы жүйелік тәсілді, тұтас технологиялық экожүйені мойындады.
"Ел" номинациясы бойынша күміс марапаты
Екінші марапатқа Halyk командасы қазақстандық бизнестің ең өзекті мәселелерінің бірін шешетін, "Кәсіби шаршауды анықтайтын предиктивті моделін" дайындағаны үшін ие болды.
Айта кетейік, елдегі қызметкерлердің көпшілігі кем дегенде бір рет кәсіби шаршауға шалдыққан. Бұл тек HR статистикасы емес; компания үшін нақты шығындар, яғни жұмыс күші тұрақсыздығының өсуі, еңбекке жарамсыздық күндерінің артуы әрі өнімділіктің төмендеуі.
Halyk дәстүрлі емес тәсіл – болжамды аналитиканы – таңдады. Банк 120-дан астам параметрге негізделген, белгілі бір қызметкердің қауіп-қатерге ұшырау ықтималдығын есептейтін және бастықты бұл туралы алдын ала ескертетін ML-моделін әзірледі. Бұл реактивті басқарудан проактивті басқаруға көшу үлгісі. Қарапайым тілмен айтатын болсақ, өртті сөндірудің орнына алдын-ала шараларды қолдану.
Идея – адамдардың қызметтен кетуін емес, оларды ұстап қалуға көмектесетін ақпаратқа сүйенеді. Дәл осы нәрсе қазылар алқасына жобаның тәжірибелік тиімділігін жоғары бағалауға мүмкіндік берді.
"HR бүгінде цифрлық деңгейге көшуде: шешімдер субъективті бағаға емес, деректер мен технологияларға көбірек сүйенуде. Біз үшін бұл жай ғана үрдіс емес, саналы стратегия. Қызметкерлерді дамыту, таланттарды басқару және оларды ұстап қалу аналитика мен ашық тәсілдерге негізделген жүйені дәйекті түрде құрып келеміз. Бұл шешімдердің кәсіби қауымдастық арасында ерекше бағаға ие болуы – біздің таңдаған бағытымыздың дұрыстығын тағы да растайды", – деп рәсімнің нәтижелерін Halyk HRD Индира Аширова түсіндірді.
Halyk – озық жұмыс беруші
Екі жеңіс те кездейсоқ емес. Halyk екінші жыл қатарынан Top Employers Institute-тен өзінің Top Employers Kazakhstan мәртебесін растап, бұл сертификаттауға ие болған алғашқы қазақстандық бренд болып қала береді.
Банктің HR саласындағы жұмысы қазірдің өзінде кәдімгі жобалардың шеңберінен шығып кетті. Бұл – деректер, технологиялар мен ұзақ мерзімді құзыреттілікті дамытуға көзделген стратегияға үміт арту. Нарықта жұмыс күшін жоғалту және таланттардың жетіспеушілігі туралы сөз қозғалған кезде, Halyk күтіп отырмайды; ол осы қиындықтарды шешудің логикасын өзгертіп, өз жолында одан да үлкен биіктерге жетуді жоспарлап отыр.
