Әзірбайжан Қазақстан зейнетақы қорынан инвестиция ретінде құйылған 71 млрд теңгені кері қайтаратын болады. Әзірбайжан адвокаттар алқасының мүшесі Акрам Гасановтың айтуынша, ел Үкміеті Әзірбайжан халықаралық банкін құтқарып қалу үшін тиісті шаралар қабылдай бастаған. Банк қай құрылымдаудан өткеннен соң таза табыспен жұмыс істейтін болады. Сондықтан онда ешқандай проблема болмайды дейді сарапшылар. Еске сала кетейік, Бірыңғай Жинақтаушы Зейнетақы қоры активтерінің 71 миллиард 300 миллион теңгесін Әзірбайжанның халықаралық банкіне салған болатын. Алайда, банк қарызға батып, банкротқа ұшырауы мүмкін екені белгілі болғанда, отандық бірқатар мамандар қордан алынған ақша кері қайтпай қалуы мүмкін екенін айтып дабыл қаққан еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
