/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,81 Brent 36,55
Халықаралық қазіргі бейссайыс одағының конгресі 2021 жылға шегерілді

Халықаралық қазіргі бейссайыс одағының конгресі 2021 жылға шегерілді

Аталған жиын биыл Қытайда өтуі тиіс еді.  

09 Шілде 2020 21:25 234

Халықаралық қазіргі бейссайыс одағының конгресі 2021 жылға шегерілді

Халықаралық қазіргі бейссайыс одағының конгресі (UIPM) 2021 жылға ауыстырылды, деп хабарлайды  Olympic.kz.

Коронавирус пандемиясының кесірінен жоспарланған шара кейінге шегерілді. Енді конгресс Токиодағы Олимпиада ойындарынан кейін 2021 жылдың қараша айында өтуі мүмкін. Конгресс ресми түрде кейінге қалдырылғандықтан, барлық федерацияға хаттар жолданған.
 

Милад Карими Токио Олимпиадасына лицензия иеленді

Германияның Штутгарт қаласында өтіп жатқан спорттық гимнастикадан 49-шы лицензиялық әлем чемпионатында командалық және жекелей көпсайыстан іріктеу аяқталды.

08 Қазан 2019 14:57 447

Милад Карими Токио Олимпиадасына лицензия иеленді

Фото: olympic.kz

Өкінішке қарай, командалық сында Қазақстан құрамасы жолдамасыз қалды. Ал ерлер арасындағы көпсайыстан Милад Карими финалға жолдама алып, лицензияға иелік етті, деп хабарлайды Olympic.kz. 

Командалық бәсекеде 2020 жылғы Токио Олимпиадасына жолдама алу үшін Қазақстан құрамасы ТОП-12 қатарына енуге тиіс болатын. Былтырғы әлем біріншілігінен соң жүлделі орынға іліккен Ресей, Қытай және Жапония командаларының жолдамасы бар. Сондықтан, қалған құрамалар алғашқы тоғыздық қатарынан көрінуге тырысты. 

Қазақстан атынан Штутгарттағы әлем чемпионатына Нариман Курбанов, Ілияс Азизов, Ербол Жантықов, Аким Мусаев және Милад Карими қатысқан болатын. Біздің гимнастар жарысты ең бірінші болып бастап, жалпы есебі 243.897 ұпай жинады. Бұл бар болғаны 16-шы орынға тиесілі нәтиже. Жарыс барысында қазақсандық гимнастар бірнеше рет қателікке бой алдырды. Ербол Жантықов қоссырықтағы жаттығуда құлап қалса, Нариман Курбанов гимнастикалық ат снарядында қателік жіберді. Осы снарядта сынға түскен Ілияс Азизов те, өкінішке қарай, құлап қалды. Мұның бәрі біздің команданың ұпайын азайтқаны сөзсіз. 

Ерлер арасындағы командалық сында әзірге Ресей құрамасы көш бастап тұр. Екінші орында Қытай, үшінші сатыда Жапония құрамасы орналасөан. Командалық көпсайыстан финалға және Олимпиада ойындарына жолдама алғандар қатарында Украина, Ұлыбритания, Швейцария, АҚШ, Қытайлық Тайпей командалары бар. 

Ал көпсайыстан Милад Карими финалға жолдама алды. Ол көпсайыс қорытындысы бойынша 81.599 ұпай жинап, 23-орын иеленді

Валентина Исламова Токио Олимпиадасына жолдама алды

Күрес түрлерінен Нұр-Сұлтанда өтіп жатқан әлем чемпионатында Қазақстан қоржыны тағы бір жолдамамен толықты. 

17 Қыркүйек 2019 16:52 480

Валентина Исламова Токио Олимпиадасына жолдама алды

Фото: olympic.kz

50 келіде белдесетін Валентина Исламова Олимпиада ойындарының лиценщиясын жеңіп алды деп хабарлайды Olympic.kz. 

Исламова ширек финалда түркиялық Евин Демирханды 12:2 есебімен жеңіп, жартылай финалға жолдама алды. Осылайша, 50 келі салмақ дәрежесінде Токио Олимпиадасының лицензиясына иелік етті. Исламова жартылай финалда румыниялық спортшымен финал жолдамасын сарапқа салады.