"Мемлекет басшысы биылғы жылдан бастап халықаралық пәндік олимпиада жеңімпаздарына бір жолғы ақшалай сыйақы беру туралы Заңға қол қойған болатын. Оған сәйкес алтын медаль алған оқушыға 1 500 АЕК (4,5 млн), күміс медальға 1 000 АЕК (3 млн), қола медальға 500 АЕК (1,5 млн) көлемінде ақшалай сыйақы тағайындалған. Алғаш рет әлемдік білім бәсекесінде топ жарған олимпиада жеңімпаздарына 73 млн теңгеден астам сомаға сыйлық табыс етілді. Сонымен қатар, алғаш рет халықаралық зияткерлік, шығармашылық, спорттық олимпиадалардың 100-ден аса жеңімпазы мен жүлдегерлеріне отандық жоғары оқу орындарына "конкурстан тыс" қабылдау үшін ерекше гранттар бөлінді", - деп атап өтті ведомство өкілі.
Спикердің айтуынша, балалар жылында жас спортшылардың халықаралық спорт жарыстарына қатысуына республикалық бюджеттен қаражат бөлінді. Оған 200-ден аса бала қатысып, қазақстандық команда Франциядағы Дүниежүзілік гимназиядада 86 медаль жеңіп алды. Бұдан бөлек 70 елдің ішінде 3-орынға тұрақтады.
