Нетаньяху олардың талаптарына көнгісі келмейді.
Израиль Премьер-министрі Беньямин Нетаньяху Газа секторындағы әскери операцияны ХАМАС террористік ұйымы жеңілгенге дейін және израильдік кепілге алынған адамдарды босатқанға дейін жалғастыруға бел буады, деп жазады inbusiness.kz сайты.
Мұндай мәлімдеме Израиль әскери кабинетінің басшысының Рафах қаласының маңындағы туннельдердің бірінде кепілге алынған алты адамның денесі табылғаннан кейін көп ұзамай баспасөз мәслихатында жасалды.
Газа секторының оңтүстігінде 30 тамызда төрт ер адам мен екі әйелдің денесі табылды. Израильдің Денсаулық сақтау министрлігі 31 тамызда жүргізілген сот-медициналық сараптамадан кейін кепілге алынғандарды 2-3 күн бұрын "ХАМАС террористері жақын қашықтықтан бірнеше рет атып өлтірді" деп хабарлады.
2 қыркүйектегі баспасөз мәслихатында бұл қайғылы оқиғаға түсініктеме бере отырып, Нетаньяху қайтыс болған адамдардың туыстарынан Израиль билігі оларды үйге тірідей қайтара алмағаны үшін кешірім сұрады.
"Біз бұған жақын едік, бірақ қолымыздан келмеді", - деп мойындады ол. Сонымен бірге Израиль премьер-министрі ХАМАС бұл қылмыс үшін әлі жауап беретінін атап өтті.
