Украина президенті Владимир Зеленский жексенбіде тергеушілер 400-ден астам әскери қылмысты дәлелдеп, Херсон облысының Ресей оккупациясынан босатылған аудандарында әскери және бейбіт тұрғындардың денелерін тапқанын айтты.
"Тергеушілер қазірдің өзінде 400-ден астам ресейлік әскери қылмыстарды құжаттады. Өлтірілген адамдар мен әскерилердің мәйіттері табылды", - деді Зеленский бейне хабарламада.
Оның айтуынша, 100 мыңнан астам адам тұратын Херсон облысының 226 елді мекенінде "құқықтық тәртіпті тұрақтандыру және қалпына келтіру" қолға алынады. Ресейлік сарбаздар мен жалдамалыларды ұстау жалғасуда, деді ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
