Бұл туралы Израиль Қорғаныс министрі Йоав Галант АҚШ президенті көмекшісінің орынбасары және энергетикалық қауіпсіздік жөніндегі мемлекеттік Департаменттің аға кеңесшісі Эймос Хокстинмен кездесу қорытындысы бойынша мәлімдеді, деп жазады inbusiness.kz сайты.
Галанттың сөздерін Израиль Қорғаныс министрлігі жариялады.
"Келісім мүмкіндігі азайып келеді, өйткені Хезболла өзін ХАМАС-пен байланыстыруды жалғастыруда және қақтығысты тоқтатудан дәмелі емес", - деді министр Ливанның радикалды шиит қозғалысы мен палестиналық радикалды исламистер туралы.
Галанттың айтуынша, Израильдің солтүстік шекарасында он мыңдаған израильдіктер үйлеріне орала алмай отыр. Олардың қауіпсіздігін қамтамасыз етудің жалғыз мүмкіндігі - ірі әскери операция, деп атап өтті министр.
