Химия бойынша 2023 жылғы Нобель сыйлығы Мунги Г.Бавенди, Луиза Э.Брус және Алексей И.Экимовке кванттық нүктелерді – нанобөлшектерді ашқаны және синтездегені үшін берілді, деп хабарлады Швеция Корольдік академиясы.
"Нанобөлшектер мен кванттық нүктелер жарықдиодты шамдар мен теледидар экрандарында қолданылады,сонымен қатар хирургтарға қатерлі ісік тінін алып тастау кезінде бағыт беру үшін де пайдаланылуы мүмкін. Зерттеушілер негізінен кванттық нүктелерді түсті жарық жасау үшін пайдаланды. Олар болашақта кванттық нүктелер икемді электрониканы, кішірейтілген сенсорларды, жұқа күн батареяларын және мүмкін шифрланған кванттық коммуникацияларды жасауға көмектесуі мүмкін", делінген академияның мәлімдемесінде.
Бавенди - Массачусетс технологиялық институтының профессоры, Брюс - Колумбия университетінің құрметті профессоры, ал Екимов Nanocrystals Technology Inc. компаниясында жұмыс істейді.
Швеция Корольдік Ғылым академиясы жүз жылдан астам уақыт бойы тағайындаған сыйлықтың құны 1 миллион долларды (шамамен 477 миллион теңге) құрайды.
