Дайын жүргізуші куәлігін енді кез келген халыққа қызмет көрсету орталықтарынан алуға болады. "Азаматтарға арналған үкімет" бүгіннен бастап осындай қызмет түрін көрсете бастады. Ол үшін жаңа жүргізуші куәлігін ресімдеу кезінде, дайын құжатты алуға ыңғайлы болатын бөлімнің нөмірі мен мекенжайы көрсетілген өтініш қалдыру керек. Мемлекеттік корпорациясының мәліметінше, бұл пилоттық жоба қызмет алушылардың уақытын үнемдеп, мамандандырылған орталықтағы кезек санын азайтуға мүмкіндік береді. Әзірге бұл қызмет түріне Астана, Алматы және Шымкент қаласының тұрғындары жүгіне алады. Айта кетейік, жыл басынан бері 137 мыңнан астам жүргізуші куәлігі берілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
