Қорғаушы Эмиль Нұрғалиев Қазақстан құрамасы сапында өнер көрсетеді.
Shaiba.kz сайтының мәліметінше, қорғаушы Эмиль Нұрғалиев Қазақстан пайдасына Ресей азаматтығынан бас тартып, алдағы әлем чемпионатында Қазақстан құрамасы сапында өнер көрсетуге дайындалып жатыр. Ол ұлттық құрама сапындағы дебютін 2018 жылы Eurochallenge турнирінде өткізді.
Эмиль Нұрғалиев Қазақстанда 2017 жылдан бері өнер көрсетіп келеді. Ол Қарағанды облысының Абай қаласында дүниеге келген. Хоккейші"Сарыарқа" сапында Братина кубогын жеңіп алып, Қазақстан чемпионы атанған.
Биылғы маусымда Эмиль Нұрғалиев ҚХЛ тұрақты маусымында "Барыс" сапында 10 кездесу өткізіп, ұпай жинай алмады. Ол Nomad сапында 34 кездесу өткізіп, 28 (10+18) ұпай жинады.
Алдағы әлем чемпионаты 12-28 мамыр аралығында Рига мен Тампере қалаларында өтеді. Қазақстан құрамасы Латвия астанасында ойнайды. Оның "В" тобындағы қарсыластары Норвегия, Чехия, Швейцария, Канада, Словакия, Латвия және Словения командалары болады.
