Әнші Тамара Асарға "Халық қаһарманы және қоғам қайраткері, офицер ұшқыш Хыйуаз Доспанова" атындағы медаль табысталыпты.
"Мені "Батыр қыз" деуші халқым, маңдайыма нағыз батыр қыздың атындағы медаль бұйырды. Атырау облысы ардагерлер кеңесінің шешімімен халық қаһарманы және қоғам қайраткері, офицер ұшқыш Хыйуаз Доспанова медалімен марапатталдым. Хыйуаз апамдай қан майданның батыры болмасам да, жүрегіммен халқымды сүйіп, басым жерге жеткенше, халқыма арнаған әніммен, сәніммен, Ата-Анамнан алған тәлім тәрбиеммен, ұрпағыма дұрыс жол көрсетсем, абыроймен үлгі болсам, сол мен үшін бейбіт күннің батырлығы! Алдыңғы буын ағалар құрметтеріңізге үлкен мың алғыс! Атырауым, бас идім. Рахмет сенімдеріңізге!" – деп жазды әнші желідегі парақшасында.
Мұны желідегі оқырмандар екі түрлі қабылдаған. Бірі Тамара Асарды құттықтап жатса, енді бірі "Хыйуаз Доспанова" атындағы медальдің не үшін әншіге берілгенін түсінбей дал.
