9 айда Қытай бастаған дамушы нарықтардан жылыстаған капитал $225 миллиардты құрады. Ол өткен жылдың сәйкес кезеңіндегі $365 миллиардпен салыстырғанда аз көрсеткіш. Бұл туралы Халықаралық қаржы институтының (IIF) мәліметтеріне сілтеме жасап Росбалт хабарлайды.
IIF ақпараты бойынша, Қытайдан сыртқа кеткен капитал $373 миллиардты құраған, ол бір жыл бұрынғы көрсеткіштен $93 миллиардқа кем. Алайда Қытайдан кеткен капитал үшінші тоқсанда $112 миллиардқа дейін жеткен. Сонымен бірге $41 миллиардтай капитал Қытайдан қыркүйекте кеткен, деп мәлім етті институт.
IIF сарапшыларының пайымынша, бұл жергілікті ойыншылар тарапынан долларға сұраныстың артуымен байланысты болып отыр. Ал жергілікті юань 1 қазаннан бастап ХВҚ валюталары қатарына енгеніне қарамастан, юаньмен белгіленген активтерге сұраныс төмен. Институттың бағамдауы бойынша, юаньмен белгіленген құнды қағаздарға шетелдіктердің қатысуы қыркүйекте $7,3 миллиардқа төмендеп кетті.
