Астанада орналасқан Ұлттық ұланның 6636 әскери бөлімінде мерзімді қызметтегі қатардағы жауынгер Сұлтановтың өліміне қатысты тергеу басталды, деп хабарлайды Polisia.kz.
"ІІМ Орталық өңірлік әскери тергеу басқармасы Қылмыстық кодекстің 105-бабы "Өзін-өзі өлтіруге итермелеу" бойынша сотқа дейінгі тергеуді бастады. Оқиға орнында тәжірибелі қызметкерлерден құралған жедел-тергеу тобы тексеріс жүргізіп, материалдар тәркіленді. Айғақ заттар, соның ішінде марқұмның ұялы телефоны мен бейнебақылау камерасы алынды, сот-медициналық сараптама тағайындады", - деді ІІМ Әскери тергеу басқармасының бастығы Серікбай Құсайынов.
Ол оқиға кезінде Сұлтановтың жалғыз болғанын айтты.
Оның әріптестері мен командирлерінен жауап алу басталды.
9 қазан күні сағат 1.00 шамасында Сұлтанов қызметтік міндетін атқару кезінде көз жұмды.
