Бұл туралы онлайн брифинг барысында ҚР ІІМ Есірткі қылмысына қарсы іс-қимыл департаменті басқармасының жедел уәкілі Данияр Амантайұлы айтты, деп хабарлайды inbusiness.kz.
"Трансшекаралық есірткі топтарына қарсы күресті күшейту мақсатында шекаралас мемлекеттердің құзыретті органдарымен тығыз ынтымақтастық жалғасуда. Есірткі өндірісінде қолданылатын прекурсорлар мен басқа да ингредиенттерді жеткізу арналарын анықтау бойынша бірлескен іс-шаралар қабылдануда", – деді спикер.
ЕҚҚІД тарапынан күн сайын елдегі есірткі ахуалына мониторинг жүргізіліп, оның ішінде интернет желісін пайдалану арқылы жасалатын қылмыстар ерекше бақылауда.
"2022 жылы "Кибернадзор" АЖ арқылы 1996 есірткі сайтының жұмысына шектеу қойылып, оның 1493 бұғатталды. Биыл жыл басталғалы 179 интернет парақшалары мен сайттар шектеуге жіберіліп, 69 бұғатталды", – деді спикер.
