Ішкі істер министрлігі (ІІМ) баспасөз қызметінің өкілі Шұғыла Тұрлыбек төлқұжаттағы чип не үшін керегін түсіндірді, деп хабарлайды inbusiness.kz.
"Чипі бар төлқұжаттар (паспорт) шекаралық-өткізу пункттерінен өтуді және басқа елдердің паспорттық-визалық бақылау электронды жүйелерінен өтуді жеңілдету үшін енгізілген. Төлқұжаттардағы чиптер тек шекарадан өткен кезде арнайы оқу құрылғыларымен өзара әрекеттеседі", - деді Шұғыла Тұрлыбек.
Сондай-ақ АҚШ, Канада, Еуроодақ елдері, Қытай, Жапония, Малайзия, Сингапур, Австралия, Балтық елдері және ТМД-ға мүше мемлекеттердің төлқұжаттарында чиптер бар.
Айта кетейік, осыған дейін әлеуметтік желілерде видео жарияланған еді. Онда чипі бар төлқұжаттар қазақстандықтарды аңду үшін керегі айтылған. Алайда бұл ақпарат шындыққа жанаспайды.
