Іле Алатауы ұлттық паркіндегі экотуризмді дамыту жөніндегі қоғамдық кеңес құрылды

767

Қоғамдық кеңес құрамына туристік ұйым, бизнес өкілдері, ғалымдар, спортшылар, экобелсенділер, қоғам қайраткерлері енгізілді.

Іле Алатауы ұлттық паркіндегі экотуризмді дамыту жөніндегі қоғамдық кеңес құрылды

Алматыда Іле Алатауы ұлттық паркіндегі экотуризмді дамыту жөніндегі қоғамдық кеңестің алғашқы отырысы өткізілді, деп хабарлады ҚР Экология, геология және табиғи ресурстар министрлігінің баспасөз қызметі.

Отырысты Экология, геология және табиғи ресурстар вице-министрі Ерлан Нысанбаев ашты.

"Екі апта ішінде экобелсенділермен, қоғамдық бірлестік өкілдерімен кездестім. Мен бәрін осы кеңес құрамына кіруге шақырған едім. Бүгінде 30 үміткердің ішінен түрлі саладан 19 адам іріктелді. Мемлекеттік орган өкілдері алынған жоқ, тек Алматы қаласы Экология департаменті директоры және мен ғана бармын", – деді Ерлан Нысанбаев.

Вице-министрдің айтуынша, бүгінде ұлттық парктерде экотуризмді дамыту үрдіске енген. Іле Алатауы ұлттық паркіне де бұл жат емес. Сондықтан оны дамытуда америкалық даму моделі таңдалды. Бұл дегеніміз туристік аяқжолдар мен маршруттар салу.

"Біз бас жоспар әзірледік. Негізінен сапарлау орталықтарын құру көзделуде. 7 глэмпинг, кемпинг, этноауыл, автокеруен орны жоспарланып отыр. Біз негізінен күрделі іргетас салынбайтын нысандарға басымдық бермекпіз. Жұртшылық ұлттық парк экотуризмін дамытуға қатысуға құқылы. Біз бүгін осы жерде бас қосып, ұлттық паркте экотуризмді дамыту мәселесін талқыламақпыз. Мұндай кеңестер басқа да парктердің жанынан құрылады. Бірақ экотуризмді дамыту жөніндегі қоғамдық кеңес бөлек болуы керек", – деді Нысанбаев.

Конференцияға қатысушылар кеңес құрамынан мемлекеттік орган өкілдерін алып тастауды ұсынды. Ұсыныстардың барлығы қабылданды.

Іле-Алатау мемлекеттік ұлттық паркінде экологиялық туризмді дамыту бойынша құрылған Қоғамдық кеңестің құрамы:

 1. Әбілшайықов Нариман – Алматы қ. "Атамекен" ҰКП директоры;

2. Әлібеков Бейбіт – белсенді;

3. Әбікенұлы Серік – "Жетісу" телеарнасының директоры;

4. Бұқарбай Бақытжан – қоғам қайраткері; 

5. Байеділов Қонысбек – Алматы қ. Экология департаментінің басшысы; 

6. Валиев Қазбек – Альпинизм және тауға шығу федерациясының бас хатшысы; 

7. Қашқынбеков Арман – БҰҰ Даму бағдарламасының жетекшісі;

8. Шаяхметок Асет – Алматы облысының "Атамекен" ҰКП директоры;

9. Жұмаев Мақсұт – альпинист, Қазақстан Республикасы альпинистер құрамасының капитаны; 

10. Исанова Әсел – КОВШ жастар мекемесінің қызметкері; 

11. Қазыханов Еділ – техникалық ғылымдардың докторы;

12. Қожалиева Тоғжан – қоғам қайраткері; 

13. Малгелдиев Дамир – Іле-Алатау мемлекеттік ұлттық парктінің бас директоры; 

14. Нысанбаев Ерлан – Қазақстан Республикасының экология, геология және табиғи ресурстар вице-министрі;

15. Рахымжанов Әлімжан – "Қазақ орман шаруашылығы және агроорманмелиорация ғылыми зерттеу институты" ЖШС директоры;

16. Сальников Виталий – ҚазҰУ География және табиғи ресурстар факультетінің деканы; 

17. Спицын Сергей – эко-белсенді, кәсіпкер; 

18. Чащин Герман – "Eco Fund Tabigat" қорының төрағасы;

          19. Шапагатова Баян – Кэмпинг және караваннинг одағының президенті    

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу