Америкалық миллиардер Илон Маск осы жылдың 3 шілдесі мен 5 қыркүйегі аралығында АҚШ президенттігіне Республикалық партиядан үміткер Дональд Трамптың сайлауалды науқанын қолдау үшін 75 миллион доллар жіберді, деп жазады inbusiness.kz сайты.
Bloomberg агенттігінің хабарлауынша, комитет Трамптың екіұдай күйдегі штаттарда дауыс жинауға бағытталған шараларына бөліп отыр. Оған қоса ақша цифрлық жарнамалық науқандарға жұмсалады. Олардың кейбіреулері жас жігіттерге бағытталған. Осылайша, Трамп әйел сайлаушыларға назар аударатын қарсыласы Камала Харристің артықшылығының орнын толтырғысы келеді, делінген материалда.
Маск Американың PAC-тың жалғыз инвесторы әрі Трамптың ең ірі қаржылық демеушісі болды. Жалпы есепте ол қорға 7 рет ақша аударған. 75 миллион доллардың 72 миллион долларын комитет құртып үлгерген, шығындарының негізгі бөлігі — 68,5 миллион доллары АҚШ-тың бұрынғы президентін қолдауға жұмсалған.
