АҚШ кәсіпкері, инженер Илон Маск өзіне тиесілі Tesla компаниясының акциясын сатып жатыр, деп хабарлайды inbusiness.kz.
ixbt.com дерегінше, 2022 жылдың басында кәсіпкерге тиесілі Tesla акциясы опционының мерзімі аяқталады.
9-10 қараша аралығында шамамен 4 млрд доллар болатын Tesla-ның 3,59 млн акциясы сатылған.
Осылайша, Илон Маск бір аптада жалпы сомасы 5,1 млрд доллар тұратын 4,5 млн акциясын сатқан.
Алдағы уақытта ол Tesla-ның 8 млн-ға жуық бағалы қағазын сатуды жоспарлап отыр. Осыған қарамастан компания акциясының бағасы төмендеп жатыр.
Дүйсенбіден бері Tesla акциясы 1 185 доллардан 1 025 долларға дейін 160 долларға арзандаған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
