Америкалық кәсіпкер Илон Маск Starlink терминалдарын Түркияға жіберу мүмкіндігі туралы Twitter-де қойылған сұраққа жауап берерде айтып берді, деп жазады inbusiness.kz.
"Түркия мен көрші елдерде жойқын жер сілкінісі болды. Байланыс мәселеге айналды. Starlink спутниктерін жіберу арқылы көмек көрсетуіңіз мүмкін бе?", - деп сұрақ қойды Мехмет Эмин Адин.
Миллиардер компанияның көмектесуге дайын екенін айтты, бірақ әзірге Starlink қолданысын Түркия билігі мақұлдамаған.
"Starlink-ті қолдануға Түркия әлі рұқсат берген жоқ. Мақұлданған жағдайда SpaceX дереу Starlink терминалдарын жеткізуге дайын", - деді Илон Маск.
Бүгін таңертең Түркияның оңтүстік-шығысында Сирия шекарасына жақын жерде үлкен жер сілкінісі болды. Алдын ала мәліметтер бойынша, 10 қала зардап шекті, 300-ден астам адам қаза тапты.
