Елімізде жыл басынан бері сырттан келетін тауарлар бағасы шамамен 13 пайызға қымбаттады. Бұл туралы Ұлттық экономика министрлігінің Статистика комитеті хабарлап отыр. Олардың мәліметінше, сырттан тасымалданатын азық-түліктің ішінде, әсіресе, көкөніс құны шарықтап тұр. Қаңтар мен тамыз аралығында оның нарқы 52 пайызға көтерілген. Шай, құс еті, жеміс-жидек, қант және сүт өнімдерінің бағасы да аспандап кетті. Азық-түлікке жатпайтын тауарлардың ішінде тоқыма бұйымдары мен аяқ киім кұны шамамен 20 пайызға жоғарлады. Атап айтқанда, көкөніс – 51,4%, шай – 21,4% құс еті – 18,9%, жемістер мен жаңғақтар – 16,1%, қант – 12,2%, балық – 10,8%, сүт өнімдері – 6,7%, тоқыма бұйымдары – 19,9%, аяқ-киім - 19,7% қымбаттаған.
Кhabar.kz
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
