Ыстық күлдің танымал туристік арал Яваны басып қалғаны белгілі болды, деп хабарлайды inbusiness.kz сайты.
Bild басылымының жазуынша, билік қауіптің ең жоғары деңгейін жариялауға мәжбүр болған.
Вулканология агенттігінің мәліметінше, атқылау 19 қараша күні түстен кейін басталған. Ыстық күл Семеру беткейін басып қалған. Сол себепті, жүздеген адам эвакуацияланып, уақытша баспаналарға орналастырылған.
Айта кетейік, Индонезияда жер сілкінісі мен жанартау атқылауы жиі болып тұрады. Биіктігі 3 676 метрді құрайтын Семеру – елдегі шамамен 130 белсенді жанартаудың бірі және Ява аралындағы ең биік тау. Оның ең соңғы қуатты атқылауы 2022 жылы тіркелген-ді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
