Сейсенбі күні, Индонезия елінде 2024 жылдың 14 ақпанында өтетін президенттік сайлау алдындағы науқан басталады. Бұл туралы inbusiness.kz сайты Nikkei Asia басылымына сілтеме жасап хабарлайды.
"Бұл еліміз үшін өте маңызды сәт, өйткені біздің отандастарымыз бен кандидаттарымыз тікелей жалпы сайлауды әділ өткізу ниетімізді нығайту үшін бірігіп жатыр. Президенттікке кандидаттар мен вице-президенттер бейбітшілікті сақтап, Индонезияның дамуына үлес қосатынына сенімдіміз", - деді сайлау комиссиясының төрағасы Хасима Асияри.
Ресми деректер бойынша, Индонезияда жалпы 277 миллион халықтың 204 миллионға жуығы сайлау құқығына ие. Жас шегі 17 жасты құрайды, бірақ жеке куәлігі болса, кіші жастағы адамдарға да дауыс беруге рұқсат етіледі. Оны көбінесе отбасы құру арқылы алуға болады.
Ережеге сәйкес, сайлауда 50%-дан астам дауыс жинаған кандидат жеңіске жетеді. Оның өкілеттік мерзімі бес жылды құрайды.
Айта кетейік, қараша айының ортасында сайлау комиссиясы президенттікке және вице-президенттікке үш жұп кандидатты тіркеді. Жеңіске басты үміткер қазіргі қорғаныс министрі Прабово Субианто болып саналады, ол үшін ағымдағы жылдың сайлауы үшінші рет өтеді. Бұған дейін, ол Джоко Видододан екі рет жеңілген. Видодоның ұлы және Суракарта қаласының әкімі Гибран Ракабуминг Рака Прабово Субиантомен бірге вице-президенттікке үміткер ретінде есептеледі.
