Вице-премьер тұтынушыларды қымбатшылық қысып жатқанын жеткізді, деп хабарлайды inbusiness.kz.
"4 айдың қорытындысында экономикамыз жақсы нәтиже көрсетті. Бұл өңдеу секторында, құрылыста, ауыл шаруашылығында, байланыс саласында өнім шығарудың өсімімен байланысты болды. Бұған қоса барлық өңірде бөлшек сауда көлемі өсті. Көлік саласында да серпіліс сезілді", – деді Әлихан Смайылов.
Вице-премьердің айтуынша, тұтыну нарығында баға шарықтап тұр. Жылдық мәнде инфляция деңгейі 8 өңірде орташа республикалық деңгейден жоғары.
"Жағдайды жақсарту үшін әкімдіктер мен мемлекеттік органдар әлеуметтік маңызы бар азық-түлік тауарларының бағасын тұрақтандыру бойынша жол картасын тиімді іске асыруға тиіс", – деді Әлихан Смайылов.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
