Ел Президенті Қасым-Жомарт Тоқаев үкіметтің кеңейтілген отырысында инфляцияны тежеудің маңыздылығын атап өтті, деп хабарлайды Inbusiness.kz.
"Басты міндеттердің тізіміне ең алдымен инфляция, оның ішінде азық-түлік инфляциясы мәселелері кіруі керек. Қазақстандағы инфляцияның өсуі біздің елдің экономикалық дамуы мен әлеуметтік әл-ауқатына үлкен қатер болып табылады. Ұлттық банк пен үкімет бұл мәселелерді мұқият шешуі керек ", – деді Президент үкіметтің кеңейтілген отырысында.
Өз кезегінде Ұлттық банктің төрағасы Ерболат Досаев баяндамасында реттеушінің болжамына сәйкес, 2021 жылдың аяғында инфляция белгіленген шектен асып, тек 2022 жылдың екінші жартысында 4-6% деңгейіндегі мақсатты дәлізге қайта оралатынын атап өтті.
Премьер-министр Асқар Маминнің айтуынша, биылғы қаңтар-маусымда жылдық инфляция 7,9% -ды құрады.
Құралай Құдайберген
