Enactus Kazakhstan ұлттық офисі ҚР ақпарат және қоғамдық даму министрлігінің қолдауымен "Азаматтық бастамаларды қолдау орталығы" КЕАҚ мемлекеттік грантын жүзеге асыру аясында ұйымдастырылатын Инновациялық жобалардың көрме-фестиваліне шақырады.
Инновациялық жобалардың көрме-фестивалі жастар мен бизнес-тәлімгерлердің ынтымақтастығын нығайту, сондай-ақ инновациялық идеяларды өзгелерге таныстыру алаңы болмақ.
Көрме-фестивальге қатысу үшін инновациялық идея немесе бизнес-жоба ұсыну шарт. Жас ерекшелігіне қарай үміткерлер 3 санатқа бөлінетін болады:
- 13 жастан 16 жасқа дейін
- 17 жастан 23 жасқа дейін
- 24 жастан 32 жасқа дейін
Фестиваль қорытындысы бойынша 15 номинация бойынша жүлделі орындардың иелері анықталады.
Сонымен қатар, әлеуетті қатысушылар жазғы Business Innovation Acceleration Camp бизнес-лагерінде және аймақтық тренингтерде өз қабілеттерін дамытуға мүмкіндіктері бар.
Көрме-фестивальге қатысуға ниетті кез-келген адам www.enactuskazfest.kz сайты арқылы толық ақпаратты біле алады.
