Google және Huawei арасындағы ынтымақтастық тоқтағаны туралы хабарландыру шыққаннан кейін, тағы бірқатар компания қытайлықтармен жұмыс істеуден бас тартты. Qualcomm, Intel, Xilinx, Infineon және Broadcom өз өнімдерін Huawei-ге жеткізуге тыйым салды.
Bloomberg ақпары бойынша, тыйым салудың әсері АҚШ пен Азиядан тысқары жерлерде сезіле бастады. Nikkei АҚШ-тың тыйым салуы нәтижесінде қытайлық компанияға жеткізуді тоқтатқанын хабарлағаннан кейін, Германияда дүйсенбі күнгі саудада Infineon Technologies AG акциялары түсіп кетті. STMicroelectronics NV пен аустриялық AMS AG-ның да акциялары төмендеді.
Infineon өкілі Huawei компаниясының жеткізетін өнімдерінің басым бөлігіне АҚШ шектеулеріне жатпайтынын айтып, бұл чип жасаушы "біздің халықаралық жеткізілім тізбегіне өзгерістер енгізе алады" деп толықтырды. Сондай-ақ AMS Huawei компаниясына жеткізуді тоқтатпағанын айтты.
Компанияның дүйсенбі күнгі жарияланған мәлімдемесіне сүйенер болсақ, Huawei компаниясы Google Android операциялық жүйесін пайдаланатын клиенттерге қауіпсіздік жаңартуларын және сату қызметтерін ұсынуды жалғастырады.
