Speedtest Global Index дерегі бойынша, 2020 жылдың шілде айында Қазақстанда 17,5 миллион абонент интернетке қосылған. Олардың 15 миллионы – ұялы байланыс қолданушылары. Биыл интернет қосылған абоненттердің саны өткен жылмен салыстырғанда 2,3%-ға артқан. Белгіленген интернетті қолданатындардардың саны 2,6 миллионға жетті. Бұл былтырғы көрсеткіштен 2,2%-ға көп. Оның 2,5 миллионы – жылдамдығы жоғары кеңжолақты интернет абоненттері.
Ресми дерек бойынша, Қазақстан мобильді интернет жылдамдығы бойынша 138 елдің арасынан 95-орынға табан тіреді. Былтыр 90-орында болған еді. Бір айдың ішінде еліміз 2 позицияға көтерілген. Белгіленген кеңжолақты интернет жылдамдығы бойынша 65-орында (174 елдің қатарынан).
Елімізде белгіленген интернет Қырғызстан мен Армениядағыдан жылдамырақ, Ресей мен Беларусьтегіден баяулау. Ал мобильді интернет жылдамдығы Қырғызстан мен Беларусьтегіден жоғары, Армения мен Ресейдегіден, керісінше, төмен.
Табиғат Нұрболат
