Ирак астанасы Бағдадтағы қақтығыста 20 адам қайтыс болып, екі жүз сексеннен астамы жарақат алды.
Бұл туралы Directorate 4 Telegram арнасы хабарлады, деп жазды inbusiness.kz.
Ирак астанасындағы қақтығысты басу үшін қарулы күштердің арнайы жасақтары тартылды. Шетелдік дипломатиялық өкілдіктер өз қызметін тоқтатып, қызметкерлерін Бағдадтан эвакуациялады. Басра қаласында да қақтығыстар болып жатыр.
Еске сала кетсек, аталған елдегі қақтығыстар шілде айының соңында шиіттердің парламенттегі өкілі Мұхаммед әл-Судани премьер-министр лауазымына ұсынылғаннан кейін басталды. Муктада ас-Садр жақтастары шиіттерден бұл лауазымға тек сол ғана үміткер болуы керек деп санайды, сондықтан олар бүгінгі күнге дейін наразылықтарын жалғастыруда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
