Иранның бірнеше шенеуніктері мен ИТҚК командирлері бұрын Йемендегі хуситтер тобына, сондай-ақ Ливандағы Хезболла мен Ирак топтарына қолдау көрсеткендерін растағанына қарамастан, Иранның БҰҰ-дағы Тұрақты өкілі Әмір Саид Ирвани АҚШ-тың хуситтерді қолдады деген айыптаулары негізсіз деп санайды. Бұл туралы Сауд Арабиясының Al Hadath арнасы хабарлады, деп хабарлайды Inbusiness.kz сайты.
Қауіпсіздік Кеңесі төрағасының атына жазған хатында Ирвани оның елі әрқашан "Йемен дағдарысын дипломатиялық арналар арқылы бейбіт жолмен шешудің маңыздылығын түсінеді" деп мәлімдеді.
Ол сондай-ақ оның елі "америкалық айыптаулардан үзілді-кесілді бас тартқанын және бірнеше рет Қауіпсіздік Кеңесінің Йемендегі жағдайға қатысты тиісті шешімдерін ұстанатынын және бұл шешімдерді бұзатын әрекеттерге қатыспағанын" атап өтті.
"Америка Йеменнің егемендігі мен аумақтық тұтастығына қарсы агрессивті әрекеттер жасап, халықаралық заңдарды, БҰҰ Жарғысын және Қауіпсіздік Кеңесінің тиісті шешімдерін өрескел бұзып келеді. Мұның бәрі аймақтық бейбітшілік пен тұрақтылыққа қауіп төндіреді, Йеменде бейбіт келісімге келуге кедергі жасап, елді шарпыған жедел гуманитарлық дағдарысты күшейтеді", - деді ол.
