Қасым-Жомарт Тоқаев Иранның жаңа президентімен кездесті

Қасым-Жомарт Тоқаев Иранның жаңа президентімен кездесті

17 Қыркүйек 2021 12:21 416

Қасым-Жомарт Тоқаев Иранның жаңа президентімен кездесті
Мемлекет басшысы Иран Ислам Республикасының Президенті Ибрахим Раисимен кездесті, деп хабарлайды inbusiness.kz Ақорда сайтына сілтеме жасап.  

Кездесу барысында Қазақстан Президенті Қасым-Жомарт Тоқаев Ибрахим Раисиді жақында өткен Президент сайлауындағы жеңісімен құттықтап, екі ел арасындағы байланыстарды жоғары бағалады.

– Бұл – біздің алғашқы кездесуіміз. Осы жүздесу біздің елдеріміздің арасындағы қарым-қатынастарға жаңа серпін беретініне сенімдімін. Иран – біздің Каспий өңіріндегі тату көршіміз және ислам әлеміндегі жақын серіктесіміз. Дипломатиялық қарым-қатынас орнағаннан бері мемлекеттеріміз арасындағы ынтымақтастық тұрақты түрде артып келеді, – деді Мемлекет басшысы.

Өз кезегінде Ибрахим Раиси сайлаудағы жеңісімен құттықтағаны және ұлықтау рәсіміне арнайы делегация жібергені үшін Қасым-Жомарт Тоқаевқа ризашылығын білдірді.

 – Иран мен Қазақстанның өзара ынтымақтастығы жан-жақты қалыптасқан. Әрине, әлеуеті жоғары байланыстарымызды одан әрі кеңейтуге мол мүмкіндік бар. Біздің бүгінгі кездесуіміз осы ықпалдастықтың бастауы боларына сенемін, – деді Иран Президенті.

Сонымен қатар кездесуде тараптар биыл сауда-экономика бағытында оң үрдістер байқалғанын атап өтіп, екі ел арасындағы сауда-саттықты одан әрі арттыруға және көлік-логистика, ауыл шаруашылығы, инвестиция салалары бойынша ынтымақтастықты нығайтуға дайын екенін айтты.

Кездесу соңында Мемлекеттер басшылары өзара сапар алмасуға келісті.

Ұқсас материалдар:

shymkent-sary-ajmakka-otti

askar-mamin-kazakfilm-ak-kinostudiyasyn-kajta-kuru-zhobasymen-tanysty

kytajda-milliardtan-astam-adam-vakcina-ektirdi

lukashenko-shielenisti-kushpen-sheshudin-kaupi-turaly-ajtty

koronavirus-pen-pnevmoniyadan-70-adam-kajtys-boldy

загрузка

×